Esti añu la más fiestera, dura y esgotaora preba sidrera del añu demuesará la so pasión pola sidre entamando con una procesión sidrera pel Barriu la Sidra de Xixón, tres un estupendu tonel de Sidra El Duque y lo imprescindibles gaiteros y tamboriteros, que dirán aparando en caún de los siete chigres que conformen esta asociación pa damos tiempu a forrar con unos pinchinos.

Tres la procesión sidrera empobinarémosmos a la Primer Sidre l’Añu (Muséu del Pueblu d’Asturies. Xixón) onde rializaremos la primer espicha y onde tendremos la oportunidá de prebar sidre d'un ampliu númberu de llagares y de degustar productos asturianos.

Tres esta primer espicha procederáse al tradicional percorríude chigre en chigre, col debíu y continuáu refuerzu del pinchéu que dirán sirviéndomos nos mesmos. Visitaremos un par de llagares y finaremos con una espicha nun d'ellos pa finar a les diez de la nuechi, hora de salida de los autobuses haza los puntos d'orixe.

Remembrar qu'habrá serviciiu d'autobuses, con salida al menos dende Xixón, Uviéu y Avilés, dene onde recoyerán a los esforciaos sidreros ente les once y les doce del meudíi, con destín a los primeros chigres, onde darrú entamará'l continu repartu de culinos, que sedrá costante a lo llargo tola xornada.

Comu ocurre tolos años, el númberu de presones que pue participar nesti eventu ye llímitáu polo que ye imprescindible rializar la iscrición bien aína darréu que se sigue un rigurosu orde d'iscrición. Pa facelo hai que ponese en contatutu con LA SIDRA al 652 59 49 83 o unviando un mail a infolasidra@gmail.com