Post creado automáticamente para la entrada "VIII Tour del Llagar en La Comarca de la Sidra 2012"

Fecha: 18 de Agosto.

Esti añu el Tour visitará na menos que 5 llagares nel so ya tradicional percorríu sidreru.

Saliendo de Xixón a les 12 del mediu díe, la primer parada sedrá nel mesmu conceyu, nel Llagar de Contrueces onde, arriendes de prebar la sidre y conocer el llagar, podremos entrugar les nueses dudes al llagareru.

Dende ehí esti añu decidimos visitar la fastera oriental d'Asturies, desplazándonos col nuesu autobús dica Sidra Basilio, perguapu llagar en Les Arriondes (Parres) nel que podremos escuchar les desplicaciones de los sos propietarios demientres esfrutamos de la so sidra y de la primer espicha de la xornada.

Col bandullu ya enllenu, empobinaremos pa Colunga, en concreto pa Sidra Crespo, onde seguiremos tastiando la bona sidre del oriente asturianu y conoceremos les istalaciones d'un llagar que caltién abondo de la so tradición ya cuasi centenaria.